2024 – Год якасці

У бібліятэцы № 1 дзейнічае выстава літаратуры «Са знакам якасці: мастацтва Беларусі», якая прымеркавана да Года якасці. Яна складаецца з чатырох раздзелаў. Кожны з якіх прысвечаны пэўным відам мастацтва: тэатр, музыка, жывапіс, народная творчасць. На выставе прадстаўлены кнігі аб выдатных майстрах сцэны.  Прадстаўнікам беларускай мастацкай школы, такім як Л. Шчамялёў, Б. Аракчэеў, М. Савіцкі, І. Міско прысвечаны трэці раздзел выстаўкі. Прадстаўленыя ў чацвёртым раздзеле кніжныя выданні даюць магчымасць больш падрабязна пазнаёміцца з традыцыйнымі беларускімі рамёствамі. Чакаем Вас па адрасе: вул. Даватара, 21.

Да паслуг карыстальнікаў у бібліятэцы № 2 арганізавана выстава «Са знакам якасці: архітэктура Беларусі». Якасць жыцця шмат у чым залежыць ад зручнасці і прыгажосці збудаванняў, ад іх насычанасці гістарычнай памяццю. Беларусы са старажытных часоў будавалі трывалыя і манументальныя будынкі, сумяшчаючы розныя стылі і эпохі. Візітнымі карткамі беларускага дойлідства з’яўляюцца замкі і храмы. Кожны з іх мае багатую гісторыю і сваю будаўнічую біяграфію. Літаратура, прадстаўленая на выставе, асвятляе ўсе гэтыя тэмы. Пазнаёміцца з ёй можна па адрасе: вул. Белуша, 37.

У бібліятэцы № 4 дзейнічае выстава літаратуры «Са знакам якасці: тэатры Беларусі», матэрыялы якой знаёмяць з гісторыяй беларускага тэатральнага мастацтва ад яго вытокаў да цяперашняга часу. Адзін з раздзелаў прысвечаны гісторыі гродзенскіх тэатральных пастановак – прадстаўлены кнігі і артыкулы з перыядычных выданняў аб рэпертуары і артыстах Гродзенскага абласнога драматычнага тэатра і Гродзенскага абласнога тэатра лялек. Пазнаёміцца з выставай можна па адрасе: вул. Дамброўскага, 55.

Супрацоўнікі дзіцячай бібліятэкі № 5 арганізавалі выставу «Са знакам якасці: этнаграфія Беларусі». Раздзелы выставы прысвечаны элементам нематэрыяльнай культурнай спадчыны Гродзенскай вобласці, уключаным у Дзяржаўны спіс гісторыка-культурных каштоўнасцей Рэспублікі Беларусь. Гэта культура беларускай дуды на Гродзеншчыне, мясцовы танец «Дэмброўская кадрыль», танцавальны стыль «Котчынская кадрыль», музычна-інструментальная традыцыя «Смаргонскія найгрышы», творчасць майстра па вырабе музычных інструментаў М.А. Скрамблевіча. Выстава будзе цікавая шырокаму колу наведвальнікаў. Чакаем вас па адрасе: вул. Пушкіна, 30.

У бібліятэцы № 6 дзейнічае выстава літаратуры «Са знакам якасці: спорт Беларусі». Выстава складаецца з двух раздзелаў. У раздзеле «Складаныя нацыянальных перамог» прадстаўлены кнігі аб гісторыі і развіцці папулярных відаў айчыннага спорту, аб жыцці і дасягненнях выдатных беларускіх спартсменаў, якія прадстаўляюць краіну на сусветнай арэне. Раздзел «Зоркі гродзенскага спорту» раскажа аб выдатных спартсменах Гродзеншчыны – прызёрах Алімпійскіх гульняў, чэмпіёнах свету і Еўропы, тых, хто сваімі дасягненнямі годна прадставіў рэспубліку на найбуйнейшых спаборніцтвах. Чакаем Вас па адрасе: пр-т Касманаўтаў, 4а.

У бібліятэцы №7 арганізавана выстава «Са знакам якасці: беларускае кіно». Першыя кінакадры знятыя ў Беларусі яшчэ да рэвалюцыі, але выключна ў выглядзе навіннай хронікі пра мясцовыя падзеі: «Пажар у горадзе Мінску на паліцэйскай вуліцы», «Крушэнне цягніка на станцыі руднікі», «Экскаватар – пякельная машына за Брэсцкім вакзалам». Першым поўнаметражным фільмам Савецкай Беларусі стала драма «Лясная быль» 1926 года, знятая рэжысёрам Юрыем Тарычам. Асаблівую нішу ў беларускім кіно займаюць ваенныя фільмы, знятыя па творах вядомых беларускіх аўтараў, такіх як В.Быкаў, А. Адамовіч і іншых. На выставе прадстаўлены кнігі па гісторыі кінематографа ў Беларусі, матэрыялы пра кіназдымкі ў Гродна, а таксама творы беларускіх і замежных аўтараў, па матывах якіх зняты фільмы на кінастудыі «Беларусьфільм».

У бібліятэцы № 8 арганізавана кніжная выстава «Са знакам якасці: беларуская кухня». Першы раздзел «Гаспадар на кожным стале» прысвечаны хлебу – аднаму з галоўных прадуктаў беларусаў. Прадстаўлены выданні, якія раскрываюць значнасць гэтага прадукту для беларускага народа; кнігі, якія апісваюць асноўныя этапы, неабходныя для атрымання хлеба, а таксама творы беларускіх класікаў, прысвечаныя хлебу. Другі раздзел «Ея вялікасць – бульбачка» знаёміць чытачоў з традыцыйнымі беларускімі стравамі з бульбы, з гісторыяй яе з’яўлення і распаўсюджвання на беларускіх землях. Выданні трэцяй часткі «Мёд – прадукт чароўны» распавядаюць аб карысці мёда, аб спосабах яго ўжывання ў медыцыне і кулінарыі, апісваюць тэхналогіі вытворчасці дадзенага прадукта. Выстава можа быць цікавая як дарослым чытачам, так і самым маленькім. Азнаёміцца з выставай можна па адрасе: БЛК, 43.

У бібліятэцы №9 дзейнічае выстава «Са знакам якасці: Нацыянальныя паркі». Для захавання біялагічнай разнастайнасці ствараюцца спецыяльныя зоны-запаведнікі, нацыянальныя паркі і заказнікі. У Рэспубліцы Беларусь прыродныя комплексы пачалі фарміравацца з 1991 года. У цяперашні час у нашай краіне функцыянуюць 4 Нацыянальныя паркі «Белавежская пушча», «Прыпяцкі», «Браслаўскія азёры» і «Нарачанскі». На выставе вы зможаце пазнаёміцца з нарматыўнымі дакументамі аб стварэнні нацыянальных паркаў, аб пераўтварэнні межаў і рэжыме аховы функцыянальных зон, з літаратурай, якая раскажа аб прыродных асаблівасцях, раслінным і жывёльным свеце нашай прыроды. Выстава даступная па адрасе: вул. Урублеўскага, 33.

Рэспубліка Беларусь мае багатую гістарычную, культурную і духоўную спадчыну, якая фарміравалася на працягу многіх стагоддзяў. Захаванне, адраджэнне, развіццё і папулярызацыя найлепшых узораў традыцыйнай народнай творчасці вельмі актуальна ў цяперашні час. Пазнаёміцца з выставай «Са знакам якасці: рамёствы Беларусі», арганізаванай да Года якасці, можна ў бібліятэцы № 10 па адрасе: вул. Пястрака, 36