Вітaем вас, шаноўнае спадарства!
Прапануем вашай увазе
Музей жыцця і творчасці Уладзіміра Церабуна, мастака, грамадзяніна, асобы.
Прапануем вашай увазе
Музей жыцця і творчасці Уладзіміра Церабуна, мастака, грамадзяніна, асобы.
УЛАДЗІМІР ЦЕРАБУН, СЯБРА БЕЛАРУСКАГА САЮЗА МАСТАКОЎ, СКУЛЬПТАР, ЗАСЛУЖАНЫ ДЗЕЯЧ МАСТАЦТВАЎ РЭСПУБЛІКІ БЕЛАРУСЬ
Нарадзіўся ў вёсцы Несцяняты на Смаргоншчыне ў 1946 годзе. Скончыў Беларускі дзяржаўны тэатральна-мастацкі інстытут (1973 год), лаўрэат прэміі Ленінскага камсамолу БССР (1976 год), з 1977 года сябра Беларускага саюза мастакоў, узнагароджаны медалём “За працоўную доблесць” (г.Масква, 1986 год), з 1993 года Ганаровы грамадзянін горада Смаргонь, у 2007 годзе атрымаў званне Заслужаны дзеяч мастацтваў Рэспублікі Беларусь. З 1973 да 2001 года жыў і працаваў у горадзе Гродна. Пайшоў з жыцця 8 кастрычніка 2024 года.
Нарадзіўся ў вёсцы Несцяняты на Смаргоншчыне ў 1946 годзе. Скончыў Беларускі дзяржаўны тэатральна-мастацкі інстытут (1973 год), лаўрэат прэміі Ленінскага камсамолу БССР (1976 год), з 1977 года сябра Беларускага саюза мастакоў, узнагароджаны медалём “За працоўную доблесць” (г.Масква, 1986 год), з 1993 года Ганаровы грамадзянін горада Смаргонь, у 2007 годзе атрымаў званне Заслужаны дзеяч мастацтваў Рэспублікі Беларусь. З 1973 да 2001 года жыў і працаваў у горадзе Гродна. Пайшоў з жыцця 8 кастрычніка 2024 года.
Скульптар, лаўрэат Дзяржаўнай прэміі Рэспублікі Беларусь А.Арцімовіч сказаў пра Уладзіміра Церабуна наступнае: “У асабістых зносінах для мяне раскрылася вельмі шмат, што датычыцца яго асобы мастака, чалавека, грамадзяніна: гэта і любоў да гісторыі, і захапленне музыкай, і яго шчырае каханне да сваёй "малой" радзімы - Смаргоні”.
Як жа трэба будаваць сваё жыццё, каб столькі паспяваць і ўпарта крочыць да сваёй мэты? Вельмі дарэчы будуць тут
ПАРАДЫ ЯК БЫЦЬ ШЧАСЛІВЫМ АД УЛАДЗІМІРА ЦЕРАБУНА
- Вера ў Бога. Гэта тое недасягальнае, да якога ўсё жыццё імкнешся. Чым бліжэй наблізішся, тым большы сэнс у твайго жыцця.
- Любоў, каханне. Да жыцця, да сям’і. Бо мы нарадзіліся дзеля таго, каб жыць і несці гэтую любоў іншым. Таксама важна і каханне паміж мужчынам і жанчынай. Няшчасны той чалавек, які не спазнаў яго.
- Нараджэнне дзіцяці. Гэта сакральнае. Важна ведаць, што такое ручка дзіцяці, якая трымаецца за твой палец, яго першыя крокі, першыя словы. Трэба прайсці праз гэта.
- Асалода ад працы. Трэба атрымліваць асалоду ад любой справы, якой займаешся. Асабліва ад той, якой займаешся большую частку свайго жыцця. Нават калі закладваеш падмурак.
- Сяброўства. Сваякі не заўсёды могуць дапамагаць адзін аднаму па жыцці. Таму важна, каб было каму пазваніць у складаную хвіліну. Часам сяброўства становіцца вышэй за каханне. Гэта самае галоўнае багацце, да¬дзенае далёка не ўсім.
- Інтымныя адносіны. Бог узнагародзіў людзей біялагічнымі адносінамі. У нас на гэта глядзяць як на штосьці сарамлівае ці, наадварот, - усёдазволенае. Але гармонія ў гэтых адносінах - найвялікшая радасць.
- Грошы. Вынік ўсяго вышэйзгаданага. Галоўнае, каб іх хапала для таго, каб адчуваць сябе Чалавекам.
Наведайце залы Музею жыцця і творчасці нястомнага
ПРАЦАЎНІКА НА НІВЕ МАСТАЦТВА УЛАДЗІМІРА ЦЕРАБУНА!
